Шукрона аз ин Ватан бояд кард!

07 Февраль 2019

Мавриди зикр аст, ки баробари ба даст овардани Истиқлолияти давлатӣ ва ваҳдати миллӣ таҳти сарварии Асосгузори сулҳу ваҳдати миллӣ-Пешвои миллат, Президенти кишвар муҳтарам Эмомалӣ Раҳмон миллати тоҷик аз вартаи нести раҳоӣ ёфта, имрӯз ҳамчун миллати сулҳофар ва ваҳдатсаро дар саросари ҷаҳон мақому манзалати хоса пайдо намудааст.

Давоми тӯли 27 соли Истиқлолияти давлатӣ, кишвари азизамон таҳти сиёсати созандаву бунёдкоронаи Сарвари давлат рушди бемайлон намуда, сатҳи зиндагии мардум хело баланд гардидааст.

Мутаассифона, ин пешравию рушди Тоҷикистони азизро  бархе аз кишварҳои олам мехоҳанд бо ҷалби хоинону ватанфур=шон мисли роҳбари ташкилоти ифротӣ Кабирӣ ва ҳаммаслаконаш халалдор созанд. 

Чи тавре ки ҳамаи мо огаҳӣ дорем чанд рӯз қабл тавассути шабакаҳои интернатӣ «гуфтугӯи мустақим»-и хоини миллати тоҷик, роҳбари ташкилоти экстремистӣ-террористии наҳзати ислом Муҳиддин Кабирӣ сурат гирифт. Аз ин рафтору кирдорҳои Кабирӣ ва ҳаммаслаконаш бори дигар шоҳиди он гардидем, ки ҳоло ҳам онҳо аз кардаҳои худ пушаймон нашуда, дар пайи амалӣ намудани  нақшаву ниятҳои нопоки худ мебошанд ва мехоҳанд бо роҳи тафриқаандозӣ дар байни мардум оромии кишварро халалдор сохта соҳиби қудрат гарданд.

Аммо онҳо  бояд дарк намоянд, ки имрӯз миллати тоҷик шукрона аз Истиқлолияти давлативу ваҳдати миллӣ намуда, тинҷиву оромии кишварро мисли гавҳараки чашм ҳифз менамоянд ва ҳеҷ гоҳ роҳ намедиҳанд, ки нохалафе мисли Кабирӣ шаъну шарафи миллати фарҳангсолори тоҷик ва Сарвари муаззами онро дар арсаи ҷаҳонӣ паст намояд. Инчунин ин хоинони миллат  бояд бидонанд, ки дигар бо чунин роҳҳо наметавонанд касеро аз Тоҷикистон ба доми худ афтонанд. Зеро мардуми ватандӯсту ватандори кишвар дигар ба макру фиреби онҳо бовар надоранд.

Мулоқоти раиси ноҳияи Зафаробод бо сокинон

07 Февраль 2019

 Санаи 6 феврали соли равон Раиси ноҳияи Зафаробод Ашурзода Раҷаб  Рӯзӣ бо мақсади дида баромадани рафти иҷрои қарори Ҳукумати Ҷумҳурии Тоҷикистон оид ба муҳоҷирати дохилӣ, ҳамчунин дар доираи дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба эълон доштани солҳои 2019-2021 «Солҳои рушди деҳот, сайёҳӣ ва ҳунарҳои мардумӣ» бо муҳоҷирони ноҳияҳои Айнӣ, Кӯҳистони Мастчоҳ ва Деваштиҷ, ки дар мавзеи  Ҷамоати деҳоти ба номи А.Ҷомӣ истиқомат мекунанд, вохӯрӣ доир намуд. Дар мулоқот бо муҳоҷирон мудирони бахшу шуъбаҳои мақомоти иҷроияи ҳокимияти давлатии ноҳия, кормандони Ҷамоати деҳоти А.Ҷомӣ, роҳбарони ташкилоту идораҳои хизматрасон низ иштирок доштанд.

      Раиси ноҳия вохуриро ифтитоҳ намуда, оид ба диққату таваҷҷуҳи Ҳукумати Ҷумҳурии Тоҷикистон нисбат ба муҳоҷирони дохилӣ ва экологӣ сухан ронд.  Ашурзода Р.Р. пеш аз ҳама дар масъалаи таъмиру тармими муассисаҳои таълимӣ, бунгоҳҳои тиббӣ, сохтмони иншотҳои инфрасохтори деҳот эътибори зарурӣ дод. Амини маҳалла Акрамова У., муҳоҷирон Абдуллоева З, Холов Н., Шарифов М. доир ба муаммоҳои ҷойдошта, аз ҷумла таъмини оби нӯшокӣ, полезӣ,   сохтмони пулу купрукҳо, таъмири роҳҳо, мактаб, бунгоҳи тиббӣ, дорухона ибрози ақида намуданд.

    Раиси ноҳия Ашурзода Р.Р. ба роҳбарони кумитаи замин Илҳомзода Х., сармеъмор Шодмонов И., идораи барқ Мавлонов Х., беҳдошти замин ва обёрӣ Мансуров И., маориф Ниёзқулова Д., тандурустӣ Сангинов З., баистифодадиҳии роҳҳо Шодмонов К., Хадамоти муҳоҷират дар ноҳия Турсунов И., Ҷамоати деҳоти Ҷомӣ Абдураҳмонзода Н. оид ба ҳалли масъалаҳои таъмини оби нӯшокӣ, полезӣ,  ҷудо намудани замин барои кишти зироатҳои кишоварзӣ, таъмиру бунёди муассисаҳои таълимӣ, роҳҳо,  сохтмони пулу купрукҳо ва инфрасохтори деҳот аз болои сойи деҳа супоришу вазифагузориҳо намуд.

Паймони зидди миллати тоҷик

01 Февраль 2019

Ин тeррористони бадхоҳ кӯшиш карданд, ки муҳоҷирони тоҷикистонии муқими кишвари Аврупоро бо таблиғоти ифротиашон гумроҳ карда, ба сафи худ ҷалб намоянд. Бо ин роҳ мехостанд худро ҳамчун як нерӯи мухолифи бузург намоиш диҳанду таваҷҷӯҳи созмонҳо ва доираҳои манфиатдори хориҷиро ҷалб созанд, то пули бедардимиён ба даст оранду сукунати худро дар Аврупо идома диҳанд. Бо ин мақсад сентябри соли ҷоӣ якчанд нафар хоину ҷинояткории ифротӣ дар Варшава ҷамъ омада, созмони нав ташкил доданд. Ва ба хотири воҳимаю таблиғи бештари амалҳои тахрибкоронаашон онро эътилофи «Паймони миллии Тоҷикистон» номиданд, ки дар асл ин Паймони зидди миллати Тоҷикистон аст.

Таҳлили раванди воқеаҳо нишон медиҳад, ки ташкили ин эътилоф як амали дурӯғи наст ва оянда надорад. Зеро созмонҳое ки ба ин иттиҳод гӯё шомил гардиданд, дар асл ҳар сеашон пештар аз тарафи террористони наҳзатӣ барои фиреби назар сохта шуда буданд. Террористони мазкур бо ин амалашон нишон доданӣ буданд, ки гӯё бо неруҳои дигари муҳоҷирони тоҷикистонӣ эътилоф кардаанд. Аммо дар асл, ин эътилофи наҳзатиҳо бо худашон аст.

Роҳбари ин ташкилоти террористӣ, ки аз ҳисоби пули хоҷагони хориҷиаш солҳои зиёд сарват ба даст овардааст ва ҳатто баъди фирор дар Аврупо ҳам ба ивази ватанфурӯшию амалҳои зиддимиллиаш ба ҷамъоварии пулу мол машғул аст. Шарм надошта аз демократия, ҳуқуқи инсон ва озодӣ сухан мегӯяд, аммо аз амалҳои даҳшатноки ба сари мардуми тоҷик овардаи ташкилоти худаш ёдовар намешавад. Солҳои нақвадуми асри гузашта масъулону ҷангиёни ин ташкилоти хунхор дар кишварамон ҷанги шаҳрвандиро роҳандозӣ карданд, онҳоеро ки мухолифи ақидаҳои ифротиашон буданд, қатлу ғорат карданд. Солҳои баъди истиқрори сулҳ низ бо вуҷуди авф гардидан ин гурӯҳи хиёнаткор террору ҷинояткориашонро идома доданд. Ҳатто дар соли 2015 даст ба табаддулоти давлатӣ зада, бо роҳи зӯрӣ ҳокимияти сиёсиро ғасб кардан мехостанд.

Имрӯз низ ҷинояткорони мазкур душманию таҳрибкории худро бар зидди ватану миллат идома медиҳанд, вале ҳаргиз муваффақ нахоҳанд шуд, зеро мақсаду ҳадафи нопок доранд. Мардуми Тоҷикистон ва муҳоҷирон ҳам дигар огоҳ шудаанд ва аз паси ин палидони нохалаф намераванд.