Табрикоти Раиси ноҳия Ашурзода Раҷаб Рӯзӣ ба ифтихори «Иди касбии варзишгарон»

10 Август 2020

Варзишгарони азиз!

Таҷлили ҳамасолаи иди касбии варзишгарон далели равшани таваҷҷӯҳ ва ғамхории давлат ба ҳаёти варзишгарон ҳамчун нерӯи созандаи кишвар мебошад.

Имрӯз варзишгарони мо, ки такягоҳ, умед ва ифтихори давлату ҷомеа ба шумор мераванд, дар пешрафти иқтисодиву иҷтимоии кишвар нақш ва мавқеи басо муҳимро касб кардаанд.

Мақомоти иҷроияи ҳокимияти давлатии ноҳия бо татбиқи пайгиронаи Сиёсати давлат ягон масъалаи варзишгаронро аз мадди назар дур намегузорад ва дар ин раванд тамоми тадбирҳоро меандешад, то ки ҷавонону наврасон ҳамқадами замон ба камол расанд.

Ҷавонону варзишгарони умедбахши ноҳия дар қатори ҷавонони мамлакат дар татбиқи «Сиёсати давлатии ҷавонон» саҳмгузор буда, баҳри иҷрои дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамаи неруи худро масраф менамоянд.

Ширкат дар мусобиқаҳои байналхалқӣ, ҷумҳуриявӣ ва вилоятӣ аз дастовардҳои арзандаи ҷавонон ва варзишгарони ноҳия маҳсуб меёбад.

Боиси сарфарозист, ки давоми соли ҷорӣ варзишгарони ноҳия дар 3 мусобиқаҳои вилоятӣ ва 10 мусобиқаҳои сатҳи ҷумҳуриявӣ иштирок намуда, соҳиби 61 медали тилло, 22 медали нуқра ва 22 медали биринҷӣ гардиданд, ки бори дигар шарафу эътибори ҷавонон ва варзишгарони ноҳияро дар сар то сари кишвар муаррифӣ намуданд.

Аз фурсати муносиб истифода бурда, ҳамаи Шумо ғолибони мусобиқаҳоро ба ин шарафи бузург табрику муборакбод менамоям. Насли ҷавонро таъкид менамоям, ки дар пайрави ба ин гуна ҷавонон ба рушди варзиш саҳмгузор бошанд. Сафи парчамбардорони мусобиқаҳои варзишии байналхалқӣ аз ноҳия сол то сол зиёд гардад.

Мардуми сарбаланди мо имрӯз баҳри татбиқи дастуру супоришҳои Пешвои миллат мӯҳтарам Эмомалӣ Раҳмон аз сидқи дил меҳнат намуда, бобати дар сатҳи баланд истиқбол намудани 30-солагии Истиқлолияти давлатии Ҷумҳурии Тоҷикистон тамоми тадбирҳоро меандешанд.

Бори дигар ҳамаи Шумо варзишгаронро ба муносибати Иди касбии варзишгарон табрику муборакбод намуда, ба кулли сокинони ноҳия тинҷиву осудагӣ, файзу баракати рӯзгорро орзумандам.

Истиқлолият ва имкониятҳо

10 Август 2020

Яке аз муҳимтарин дастовардҳои мо дар даврони истиқлолият давлатсозӣ ва давлатдории муосири миллӣ мебошад, ки моҳияти шакли ҳуқуқбунёд, иҷтимоӣ ва дунявиро дорад.

Эмомалӣ Раҳмон

Даврони истиқлолият барои мо имкони воқеӣ фароҳам овард, ки роҳи имрӯзу ояндаи миллат ва пешрафти минбаъдаи кишвари азизамонро бо сӯи ҷомеаи демократӣ, ҳуқуқбунёд ва дунявӣ интихоб менамоем. Ин неъмати бебаҳо барои мо рамзи гӯёи озодии миллат, соҳибихтиёрии давлат ва нишонаи равшани ватандориву ватандӯстии мо мебошад. Мо дар муддати 29 соли Истиқлолият тавонистем, ки бо вуҷуди мушкилоту монеаҳои зиёд пешрафти устувори ватандориро таъмин кунем, мақоми онро дар арсаи байналмилалӣ боло бардорем, пояи давлатдории мустақили худро тақвият бахшем, тамоми кӯшишу талош захираву имкониятҳои худро ба хотири фароҳам овардани шароити мусоид барои зиндагии шоистаи халқи хеш равона созем. Боиси сарфарозӣ ва хушбахтист, ки сарнавишти имрӯзу фардои  кишварамон дар ихтиёри худ ва ҳар як шаҳрванди бонангу номуси миллат ҳастӣ ва ҳаёти худро ба хотири озодиву пешрафти сарзамини аҷдодӣ бахшидааст. Тоҷикистони маҳбуби мо маҳз ба шарофати истиқлолият ҳамчун узви баробарҳуқуқи ҷомеаи ҷаҳонӣ эътироф гардида ва дар харитаи сиёсии ҷаҳон чун кишвари дорои низоми давлатдории муосир арзи ҳастӣ намуда,  роҳи мустақили пешрафти сиёсиву иқтисодӣ ва иҷтимоиву маънавиро пеш гирифта, ба моҳияти озодии сухан, озодии виҷдон ва гунонгунандешӣ, ки аз ҷумлаи асосҳои давлатӣ демократӣ мебошад, эътибори ҷиддӣ медиҳад.

Ман худ як бонуи хушбахти диёр, зодаи даврони истиқлол ҳастам. Маҳз бо шарофати истиқлолият ва дастгириву ҳидоятҳои  падаронаи Пешвои миллат, пас аз хатми мактаби миёна тибқи Квотаи Президенти Донишгоҳи давлатии Хуҷандро сарбаландона хатм намудам. Боиси хушбахтист, ки дар доираи сафари кории Пешвои миллат мӯҳтарам Эмомалӣ Раҳмон соли 2016 ба ноҳияи Зафаробод ба ман насиб гардид, ки бо Пешвои миллат ҳамсӯҳбат бошам. Насиҳат ва дастурҳои  падаронаи Президенти кишвар, бароям руҳу илҳоми тоза бахшида, нисбати фаъолияти хеш масъулияти зиёдро ба зиммаам гузошт. Ва дар ин ҷода ҳамаи кӯшишу щайрати хешро баҳри боз ҳам ободу гулгулшукӯфии Ватани маҳбуб мегузорам.

Ҷавонони саодатманди диёр, Шумо ворисони бонангу номуси миллат ҳастед, имрӯз барои таҳсил, меҳнат ва фаъолият Ҳукумати Ҷумҳурии Тоҷикистон ҳамаи дарҳоро боз кардааст, аз имкониятҳо истифода баред. Мо бо дарки масъулияти баланд, иродаи мустаҳкам, садоқату муҳаббати ватандорӣ, эътиқод ба арзишу муқаддасоти миллӣ ва ақлу заковати худ исбот намуд, ки роҳи интихобкардаи мо дар масири ватансозиву ватандорӣ дуруст мебошад. Мо давом диҳандагони кору фаъолияти насли калонсолон, нерӯи тавоно ва иқтидори воқеии пешрафти ҷомеа, хулоса ояндаи давлат буда, фароҳам овардани шароити мусоид барои фаъолияти мо ҷавонон минбаъд низ ҳамчун яке аз масъалаҳои муҳимтарини сиёсати Ҳукумат боқӣ мемонад.

Зиндаву поянда бод Истиқлолияти давлатӣ Ҷумҳурии Тоҷикистон.

Мудири шуъбаи кор бо занони

КИ ҲХДТ дар ноҳияи Зафаробод

Зулфиқорзода Заррина

Чораҳои эҳтиётӣ тақвият мехоҳад

07 Август 2020

Ҷиҳати пурзӯр намудани корҳои тарғиботиву ташвиқотӣ дар самти пешгирии бемории сироятии Covid-19 аз ҷониби мудири шуъбаи кор бо занон КИ ҲХДТ дар ноҳияи Зафаробод, Зулфиқорзода Заррина дар кӯчаву хиёбонҳо корҳои фаҳмондадиҳӣ баргузор гардида, ба сокинон оид ба риояи қоидаҳои беҳдошт, нигоҳ доштани масофаи иҷтимоӣ ҳангоми мулоқот ва тавсияи табибон таъкид гардида, ба сокинон варақаҳои иттилоотӣ тақсим карда шуд.