Таҷлили 25-солагии таъсисёбии Қувваҳои Мусаллаҳи Ҷумҳурии Тоҷикистон дар ноҳияи Зафаробод

24 Февраль 2018

Санаи 23 феврали соли 2018 дар ноҳия ҷашни 25-солагии таъсисёбии Қувваҳои Мусаллаҳи Ҷумҳурии Тоҷикистон бо шукуҳу шаҳомати хос таҷлил карда шуд.

Дар Қасри фарҳанги «Зафар» маҷлиси тантанавӣ бо иштироки муовинони раиси ноҳия, мудирони шуъбаю бахшҳои мақомоти иҷроияи ҳокимияти давлатии ноҳия, роҳбарони мақомоти ҳифзи ҳуқуқ, раисони ҷамоатҳои шаҳраку деҳот, роҳбарони ташкилоту корхонаҳо, кормандони комиссариати ҳарбӣ, афсарону хизматчиёни ҳарбии дидбонгоҳҳои сарҳадии дар ҳудуди ноҳия ҷойгирбуда, ҷанговарони байналмилал, сохти конститутсионӣ ва фаъолони ноҳия баргузор гардид. Иштирокчиёни ҷамъомадро раиси ноҳия Ашурзода Раҷаб Рӯзӣ ва намояндаи мақомоти иҷроияи ҳокимияти давлатии вилояти Суғд ба муносибати иди Артиши Миллӣ самимона табрику шодбош намуданд.

Подробнее

Ташкили ҳамоиши “Заҳмати дастони модар” ва аёдати сарбозон дар Зафаробод

16 Февраль 2018

Бахшида ба Рӯзи Қувваҳои мусаллаҳи Ҷумҳурии Тоҷикистон масъулини бахши кор бо занон ва оилаи мақомоти иҷроияи ҳокимияти давлатии ноҳияи Зафаробод бо ташкили ҳамоише сарбозони қисмҳои низомиро аёдат намуданд.

Ҳамоиш таҳти унвони “Заҳмати дастони модар” дар асоси  нақшаи чорабиниҳои Раёсати кор бо занон ва оилаи мақомоти иҷроияи ҳокимияти давлатии вилоят ташкил гардида, дар доираи он намояндагони мақомоти иҷроияи ҳокимияти давлатии ноҳия ва фаъолзанон бо шароити хизмати сарбозон шинос шуданд ва заҳмати дастони модар – таомҳои гуногуни миллиро пешниҳоди сарбозон карданд.

Подробнее