mt3.org

Хабарҳо

Бунёдкориву накӯкорӣ ҳунари на ҳар як мард мебошад. Аз ватандорӣ то беватан гаштан, аз ободкорӣ то харобкорӣ як қадам роҳ аст. Ҳастанд афроде, ки вайронкориву ҷанг, одамкушиву хиёнатро нисбати халқу ватанашон ҳам қарзу ҳам фарзи худ меҳисобанд. Зеро сулху осоиштаги ва саводнокии мардум зидди манфиаташон мебошад. Онхо бо қавле «обро лой карда мохи медоранд».
Аз қабили чунин ашхоси носипосу бадтинат аъзоёни ҲНИТ мебошанд, ки яке аз ҳаракатҳои экстремистию терористӣ ба ҳисоб мераванд. Ба ақидаи онҳо «Дин дар сиёсат ва сиёсат дар дин аст».  Ин ҳаракатҳои ифротгароёна ҳанӯз солҳои 70-ум арзи вуҷуд карда наметавонистанд.
Охирҳои солҳои 80-ум ва аввалҳои солҳои 90-ум дар Тоҷикистон ҳаракати мардумии «Ростохез» ва баъдар ҲНИТ ташкил ёфт. Онҳо дар парлумон тарафдорони худро барои амалигардонии мақсадҳои худ ворид кардани буданд, лекин тирашон ба ҳадаф нарасид. Аз ин рӯ барои амалӣ гардонидани амалҳои нопоки худ мардумро зери шторҳои бардурӯғи «Демократия» зидди сохти конститутсионӣ даъват намуданд, ки вазъи сиёсии кишварро муташанниҷ гардонанд.
Аммо дар он амалҳои нопок мақсадҳои сиёҳи худро амалӣ карда натавонистанд. Гирдиҳамоӣ, харобкорӣ, даъват ба «ҷиҳод» ҳадафи асосии онҳо буд. ҲНИТ метавонист мисли дигар ҳизбҳои сиёсӣ дар парлумон бошад, аммо роҳи муносибати сиёсӣ ва фарҳангиро бо ҳукумат баст, аз доираи ваколатҳои худ берун рафт ва даст ба куштору ғоратгариҳо зад. Онҳо барои ба даст овардани ҳукумат аз ташкилотҳои экстремистии хориҷӣ истифода бурданд. Дар натиҷаи ин ҷангҳои бародаркуш 150 ҳазор одам кушта шуд. Ин гадоёни беватан имрӯз берун аз марзи кишвар бошад, ҳам то ҳол мехоҳанд, ки ба ҳаёти осоиштаи Тоҷикистон рахна андозанд. Мисоли ин моҳи сентябри соли 2015 бо дастгирӣ ва маблағгузории ҲНИТ Назарзода кӯшиши табаддулоти сиёсӣ намуд.
Пешвои Миллат терроризм ва экстремизмро  «Вабои аср» номида буданд.
Амалҳои разилу нопоки Кабирӣ ва Тарафдорони ӯ зидди гуфтаҳои Қуръон буда, дини ислом куштани бародари муъминро маҳкум месозад. Ҳаракати террористӣ умуман хоси дини ислом набуд ва нест. Калимаи «терор» фаронсавӣ буда, маънояш «тарс», «даҳшат» ё «воситаи тарс» мебошад, ки асри XVIII  дар Фронса пайдо шуда, асри XIX дар Россия ҳам амалӣ шуда буд. Экстремизм (ифродгароӣ) ҷинояти махсусан вазнин буда, ба амнияту, сулҳу озодӣ ва сохти конститутсионӣ зарар мерасонад.
Ислом муҳточи ҳизб ё ҳаракатҳои сиёсӣ нест, зеро қудрату тавоноии ин дин, баландтар аз мавқеи давлатҳои абарқудрат мебошад.
Мо набояд, ки фирефтаи суханҳои аҳмаконаи тарафдорони Кабирӣ бошем, чунки онҳо гуфтахои Қуръонро нодуруст ва ба фоидаи амалҳои нопоки худ шарҳ медиҳанд. Мо амалҳои нек ва гуфтаҳои дини исломро аз сиёсати хирадмандонаи Асосгузори сулҳу ваҳдати миллӣ -Пешвои миллат Президенти Ҷумҳурии Тоҷикистон Эмомалӣ Раҳмон бояд гирем. Ғамхорӣ ба ятимони кулл, бепарасторон ва оилаҳои камбизоату бенаво амалҳои начиби Пешвои миллатамон мебошанд. Ба кадри ҳаёти ободу осоишта расем то, ки мисли Кабири беватану нонгадо ва нигарони саховати хоҷагони хориҷа нагардем.

Омӯзгори МТМУ№10-и ноҳияи Зафаробод
Ҳоҷимуродов Суҳроб

Мубориза бар зидди терроризм ва ифродгароӣ, тамоман решакан кардани он фақат вазифаи кормандони ҳифзи ҳуқуқ ва амният набуда, балки вазифаи ҳар як шахси инсондӯст ҳисобида мешавад.
Ифродгароён дар байни халқ, хусусан ҷавонон,ҳар гуна иғвою тарғиботҳо ва амалҳои тундравонаро паҳн менамоянд ва ҳаракат мекунанд, ки бештар ҷавононро ба ин амали хафнок ҷалб намоянд.
Дар Ҷумҳурии Тоҷикистон манъ карда шудани фаъолияти гурӯҳҳои «Салафия» (8.01.2009), «Ҳизб-ут-таҳрир» (19.04.2011), ҲНИТ (29.09.2015) бисёр ҳам муҳим ба ҳисоб меравад.
Асосгузори сулҳу ваҳдати миллӣ- Пешвои миллат, Ҷаноби Олӣ муҳтарам Эмомали Раҳмон аз минбарҳои байналмиллалӣ ва минтақавӣ сухан ронда қайд карданд: «Террорист Ватан, дин, мазҳаб ва миллат надорад, балки ӯ ба ҷомеаи ҷаҳонӣ хатари ҷиддӣ мерасонад».

Вобаста ба ин тарбия намудани ҷавонон дар рӯҳияи ватандӯстӣ, инсондӯстӣ вазифаи аввалиндариҷаи ҳар як шахс ва хусусан омӯзгорон мебошад.    Дар ҳамаи муассисаҳои таълимӣ мунтазам ба хонандагон, насли наврас фаҳмонидани мафҳуми терроризм ва ифродгароӣ вазифаи ҳар як педагог ба ҳисоб меравад. Ба ин саволҳо ҷавоб додан ҷоист: Мақсади террористон аз чии борат аст? роҳбаронашон киҳо ҳастанд?, аз кадом манбаъ маблағгузорӣ карда мешаванд? бо кадом мақсад дар байни мардум тарсу ҳаросро пайдо мекунанд?    Мо бояд бо факту далелҳои аниқ бо воситаи дастгоҳҳои видеоӣ харобаҳои давлатҳои Ироқ, Сурия, Яман, Афғонистон ва дигар давлатҳоро нишон доданро муҳим мешуморем.
Оиди ин масъала дар ҳар як муассисаҳои таълимӣ ташкил кардан ва гузаронидани чорабиниҳои зеринро зарур мешуморам:
-дар ҳамаи синфҳои болоӣ дар мавзӯҳои «Муқовимат бар зидди терроризм ва ифротгароии хушунатомез» «Оқибати кори террористон» ва ғайраҳо соатҳои тарбиявӣ гузаронидан;
-гузаронидани шабҳои саволу ҷавоб;
-гузаронидани иншо бо хонандагони синфҳои 9,10,11 оиди терроризм, ифродгароӣ, хавфи маводҳои мухаддир ва ғайра;
-ташкил кардани семинару конфронсҳо дар байни хонандагони синфҳои 8,9,10,11;
-ташкил кардани озмунҳои «Китобхонаи беҳтарин»;
-ташкил кардан ва гузаронидани чорабиниҳои варзишӣ ва фарҳангӣ;
-ҷоннок гардонидани фаъолияти маҳфилҳои фаннӣ.
Боварӣ дорам, ки чорабиниҳои дар боло зикр гардида амалӣ гардад, хонандагон ба ин гунна амалҳои номатлуб даст намезананд.

омузгори МТМУ№7 -и нохияи Зафаробод  Сангинов Х.

Рӯзи 3-юми майи соли равон мулоқоти раиси нохияи Зафаробод Ашурзода Раҷаб Рӯзӣ бо донишчуене, ки аз нохия дар шахри Душанбе тахсил мекунанд бо иштироки хайати сохторхои марбутаи МИХД-и ноҳия ва ТЧ ,Созандагони Ватан, - КИ ХХДТ дар сатхи баланд ва хотирмон баргузор гардид. Раиси нохия бо донишчуён сухбати самими ва ошкоро ташкил намуда аз сатху сифати таълим ва зиндагонии донишҷуен пурсон ва шинос шуданд. Ба донишҷуён кумаки яквактаи моддӣ ва зиефати расми ташкил карда шуд.

Дар донишгоҳу донишкадаҳои олии  шаҳри Душанбе айни замон 182  нафар донишҷӯён аз ноҳияи Зафаробод барои гирифтани  маълумоти олӣ ва касбу кори гуногун таҳсил менамоянд.
Давоми 5 соли охир дар донишгоҳу донишкадаҳои олии ҷумҳурӣ аз ноҳия зиёда аз 90 нафар тибқи Квотаи президенти таҳсили илм доранд, ки 30 нафарашон ба мактабҳои олии пойтахти мамлакат  рост меояд.  
Ҳоло 46 нафар хатмкунандагони муассисаҳои таълимии ноҳия дар мактабҳои олии Федератсияи Руссия ва дигар давлатҳои хориҷи кишвар таҳсили илм доранд, ки аз  онҳо 2 нафарашонро духтарон ташкил мекунанд.
Зимни мулоқот раиси ноҳия Раҷаб Ашурзода ба донишҷӯён муроҷиат намуданд, ки  ноҳия ба шумо барин ҷавонони соҳибмаълумоту соҳибкасб ниёз дорад. Дари тамоми муассисаҳои таълимӣ, ташкилоту корхонаҳо, мақомоти иҷроияи ҳокимияти давлатӣ, мақомоти худидоракунии шаҳраку деҳот, корхонаҳои саноатӣ, идораи давлатии беҳдошти замин ва обёрӣ, соҳаҳои кишоварзию иҷтимоӣ, фарҳангу тандурустӣ барои кору фаъолият намудан ба рӯи шумо кушода аст. Танҳо шуморо лозим аст, ки бо баҳои хубу аъло таҳсил намуда, соҳибмаълумот ва соҳибкасб гардед.

Подробнее

Тибқи нақшаи чорабиниҳои мақомоти иҷроияи маҳаллии ҳокимияти давлатии ноҳияи Зафаробод, насби шиору овезаҳо вобаста ба ҷашни байналмилалии Наврӯз ба роҳ монда шуда, дар байни муҳассилину донишҷӯёни муассисаҳои таълимӣ, кормандони ташкилоту муассисаҳо чорабиниҳои тарғиботӣ ва фаҳмондадиҳӣ баргузор гардид.

Санаи 15 марти соли равон дар ҳудуди ноҳия Рӯзи ягонаи ахбор дар мавзӯи «Тоҷикистон ватани Наврӯз аст» гузаронида шуд. Мутобиқи нақша гурӯҳҳои тарғиботии ноҳия аз ҳисоби кормандони мақомоти иҷроияи маҳаллии ҳокимияти давлатии ноҳия ва ҷамоатҳои шаҳраку деҳот дар мавзеъҳои аҳолинишин ва ташкилоту корхонаҳои ноҳия сӯҳбату вохӯриҳо гузарониданд. Рӯзи ягонаи ахбор дар ҳамаи ҷамоатҳои шаҳраку деҳот ва ташкилоту идораҳои ноҳия бо омодагии ҳаматарафа ва дар сатҳи баланди сиёсӣ гӯзаронида шуд.

 

Подробнее

РАИСИ НОҲИЯ

АШУРЗОДА РАҶАБ РЎЗӢ

Сомонаҳои расмӣ

Президенти Ҷумҳурии Тоҷикистон

МИҲД вилояти Суғд