Хабарҳо

Ҷамъбасти шашмоҳаи соли 2020

08 Июль 2020

Дар бинои Қасри фарҳанги “Зафар” маҷлиси ҷамъбасти фаъолияи соҳахои хоҷагии халқи ноҳияи Зафаробод давоми шаш моҳи соли 2020 баргузор гардид. Дар кори маҷлис намояндаи Ҳукумати Ҷумҳурии Тоҷикистон, муовини якуми Раиси Кумитаи бехатарии амнияти озуқавории назди Ҳукумати Ҷумҳурии Тоҷикистон Ширинҷонзода Маҳмуд Ширинҷон, намояндаи мақомоти иҷроияи ҳокимияти давлатии вилояти Суғд Вализода Аъзам ва раиси ноҳияи Зафаробод Ашурзода Раҷаб Рӯзӣ иштирок намуданд.

Маҷлис аз рӯи як масъала натиҷагирӣ аз фаъолияти соҳаҳои гуногуни хоҷагии халқи ноҳия баргузор гардида, вобаста аз натиҷаи фаъолият муовинони раиси ноҳия, раисони ҷамоатҳои шаҳраку деҳот ва роҳбарони ташкилоту корхонаҳо пурсида шуданд.

Ҳамчунин ба масъулон дар давраи минбаъдаи фаъолият дастурҳои мушаххас дода шуд. Қайд гардид, муҳимтарин вазифаи ҳар як шаҳванди ноҳия татбиқи нақшаи чорабиниҳо ба истиқболи 30- солагии Истиқлолияти давлатии Ҷумҳурии Тоҷикистон маҳсуб ёфта, амалисозии дастурҳои Пешвои миллат, Президенти Ҷумҳурии Тоҷикистон масъулияти бузург дар роҳи расидан ба ҳадафҳои олӣ мебошад.

Қоидаҳои беҳдошт - омили асосии пешгирии Covid 19

08 Июль 2020

Ҷиҳати пешгирӣ аз бемории сироятии Covid 19 кормандони КИ ҲХДТ дар ноҳияи Зафаробод дар якҷоягӣ бо гурӯҳи тарғиботчиёни МИҲД- и ноҳия ва Маркази ташакули тарзи ҳаёти солим ба кӯчаву бозорҳои марказии ноҳия ташриф оварда аз қоидаҳои беҳдошт сокинонро огоҳ намуда, риояи қатъии қоидаҳои зиддиэпидемиологиро таъкид намуданд.

Назорати фаъолияти ташкилотҳои ибтидоии ҳизбӣ

08 Июль 2020

Вобаста ба дастури КИ ҲХДТ дар вилояти Суғд гурӯҳи кории КИ ҲХДТ дар ноҳияи Зафаробод, дар ҳайати раиси КИ ҲХДТ дар ноҳия Туйғун Шарифзода, муовини раиси КИ ҲХДТ Рузибой Ашуров, мудири шуъбаи кор бо ҷавонони КИ ҲХДТ дар ноҳия Шаҳриёр Раҳимзода аз фаъолияти ташкилотҳои ибтидоии ҳизбии «Маорифчиён», «Кумитаи заминсозӣ», «Фарҳанг», «Беморхонаи марказӣ», «Кумаки аввалияи санитарию тиббӣ» дидан намуданд. Зимни мулоқот вобаста ба масъалаҳои ҳуҷҷатнигорӣ тавсияҳо дода шуда, талаб карда шуд, ки дар фаъолияти ҳизбӣ бо масъулият ва ҷиддӣ муносибат кунанд. Ҳамчунин масъалаи обуна ба нашрияҳои ҳизбии «Сухани халқ» ва «Минбари халқ» мавриди баррасӣ қарор дода шуд.

Маркази иттилоотии КИ ҲХДТ

дар ноҳияи Зафаробод

Чораҳои эҳтиётӣ тақвият мехоҳад

06 Июль 2020

Санаи 6 июли соли 2020 гурӯҳи муштараки тарғиботӣ дар ҳайати кормандони шуъбаи рушди иҷтимоии МИҲД- и ноҳия, Кумиҷроияи ноҳиявии ҲХДТ, бахши дин танзими анъана ва ҷашну маросимҳо, бахши кор бо занон ва оила ва кормандони Ҷамоати деҳоти Равшан дар деҳаи Гулистон корҳои тарғиботӣ гузаронида, бо сокинони ин деҳа варақаҳои тарғиботӣ тақсим намуданд. Зимни сӯҳбат таъкид карда шуд, ки хавфи паҳншавии бемории сироятии COVID-19 боқӣ монда, шаҳрвандонро мебояд ба қоидаҳои беҳдошт ва фосилаи иҷтимоӣ қатъиян риоя намоянд. Бинобар баргузор намудани маъракаи тестгузаронӣ байни сокинон бо мақсади бехатарии аҳолӣ дар даромадгоҳи деҳаҳои Гулистон ва Ҳаёти нав нуқтаҳои назоратӣ фаъол карда шуд.