Семинар-машварат

24 Декабрь 2018

Семинар-машварати директорони муассисаҳои таҳсилоти миёнаи умумии ноҳия, мудирони муассисаҳои томактабӣ, муовинон оид ба таълим роҳбарони иттиҳодияҳои методии роҳбарони синфҳои муассисаҳои таҳсилоти миёнаи умумии ноҳияи Зафаробод дар муассисаи таҳсилоти миёнаи умумии №2 гузаронида шуд.

            Семинар-машварат оид ба мавзӯъҳои зерин ташкил карда шуд:

1.      Дарси ҳисоботӣ аз фаннӣ «Алифбо» дар синфи 1-ум, омӯзгори синфи 1-ум Хосияти Искандар;

2.      Дарси кушод аз фанни «Химия» дар синфи 9-ум, омӯзгори фанни «Химия» Бобоева Сафармоҳ;

3.      Дарси кушод аз фанни «Технологияи меҳнат» (дар гурӯҳи духтарон)  дар синфи 7-ум, омӯзгори фанни «Технологияи меҳнат» Асқарова Умеда;

4.      Соати тарбиявӣ дар мавзӯи «Аз одоби бад парҳез кардан» дар синфи 3-юм, омӯзгор Норова Гулноза;

5.      Расонидани ёрии методӣ аз тарафи мушовирони фаннӣ ба омӯзгорони ҷавони муассисаҳои таълимии ноҳия Мушовирон: Олимов Р. Ҳусейнов Ё., Ғаниев М.;

6.      Фаъолияти иттиҳодияи методии муассисаҳои томактабӣ дар баланд бардоштани сифати таълиму тарбия ва маҳорати касбии мураббиёни ширхоргоҳ-кӯдакистонҳои ноҳия, мушовири муассисаҳои томактабӣ Маҳмудова Н.;

7.      Технология ва методҳои умумии таълим дар раванди татбиқи «Муносибати босалоҳият дар таълим», мудири кабинети методӣ Обидов Н.

8.      Фаъолият ва мавқеи роҳбари синф дар ҳамкорӣ бо волидайн бобати баланд бардоштани сифати дониш ва тарбияи маънавии хонандагон, директори маркази таҳсилоти иловагии назди шуъбаи маориф Раҳимов И.;

9.      Иҷроиши Қарори Мушовараи Вазорати маориф ва илми Ҷумҳурии Тоҷикистон аз 27.07.2018, №16/31 оид ба дар муассисаҳои таҳсилоти миёнаи умумӣ ҷори намудани ЭССЕ, сармутахассиси шуъбаи маориф Сафарова Фирӯза.;

10.  Чорабинии илми-фарҳангӣ бахшида ба Даҳсолаи байналмилалии амал «Об барои рушди устувор  2018-2028» Хонандагони синфи   11-уми МТМУ №2;

11.  Ҷамъбасти кори семинар-машварат Мудири шуъбаи маориф Ниёзқулова Д. ва сармутахассиси хадамот Муҳиддинов Н.

Семинар-машварати директорони муассисаҳои таҳсилоти миёнаи умумии ноҳия, мудирони муассисаҳои томактабӣ, муовинон оид ба таълим роҳбарони иттиҳодияҳои методии роҳбарони синфҳои муассисаҳои таҳсилоти миёнаи умумии ноҳияи Зафаробод бо иштироки намояндагони мақомоти иҷроияи ҳокимияти давлатӣ ва шуъбаи маорифи ноҳия гузаронида шуд.

Рӯзи ягонаи ахбор

24 Декабрь 2018

Тибқи нақша Рӯзи ягонаи ахбор бо иштироки тарғиботчиёни вилоятӣ ва ноҳиявӣ дар ҳудуди ноҳия дар мавзӯҳои пешниҳоднамудаи мақомоти иҷроияи ҳокимияти давлатии вилояти Суғд  ҳар моҳ баргузор мегардад.

  Аз он ҷумла соли равон, санаи 20 декабр Рӯзи ягонаи ахбор дар мавзӯи «Мубориза бар зидди коррупсия кори дастҷамъист!» дар қасри фарҳанги Ҷамоати шаҳраки Меҳнатободи ноҳия бо иштироки роҳбарони корхонаву ташкилотҳо, директорони муассисаҳои таълимӣ, раисони маҳаллаҳо, омӯзгорону донишҷуёни муассисаҳои  таълимӣ ва сокинони  ноҳия баргузор гардид.

Инчунин дар чорабинии мазкур гурӯҳи тарғиботии вилоят дар ҳайати Тоатов Ҳабибулло-дотсенти кафедраи таърихи халқи тоҷики ДДҲБСТ, Раҳимова Хайринисо корманди китобхонаи вилоятӣ ва Ҳакимов Илҳомҷон иштирок намуданд.

 Аз ҷониби тарғиботчиён оид ба мавзӯи пешниҳодшуда, яъне «Мубориза бар зидди коррупсия кори дастҷамъист»  андешаҳо баён гардид. Қайд карда шуд, ки масъалаи мазкур ҳамчун доғи рӯз ба ҳисоб рафта мисли тори анкабур торафт паҳнгардида истодааст ва  дар ҷаҳони муосир ба як масъалаи глобалӣ табдил ёфтааст. Дар дунё кишваре нест, ки бо ин мушкилот рӯ ба рӯ нашуда бошад ва алайҳи он муборизаи сартосарӣ набарад. 

Имрӯз ҷомеаи шаҳрвандиро мебояд, ки баҳри бартараф намудани  масъалаи мазкур  дастаҷамъона мубориза бурда пеши роҳи чунин амалҳои номатлубро гиранд.

 Бамаврид аст зикр намоем, ки мубориза бар зидди коррупсия ва коҳиш додани сатҳи он аз бисёр омилҳо ба мисли дастаҷамъӣ, ҳамдигарфаҳмӣ, савияи баланди донишу шуурнокӣ ва фаъолнокии ҳар як фарди ҷомеа, сатҳи воқеии зиндагӣ вобаста аст.

      Бешубҳа, мубориза алайҳи коррупсия як муборизаи тӯлонӣ ва маҷмӯӣ буда, самаранок гузаронидани он ба амалӣ сохтани як қатор чорабиниҳо вобаста аст. Барои ин қабл аз ҳама таҳияи стратегияи зиддикоррупсионӣ зарур аст.

Мудири шуъбаи рушди

        иҷтимоӣ ва робита бо ҷомеа                    Боймуродов Ф.

Вохӯрии Раиси ноҳияи Зафаробод Ашурзода Раҷаб Рӯзӣ бо донишҷӯён

14 Декабрь 2018

Санаи 12-уми декабри соли 2018 дар толори Театри мазҳакавии ба номи Камоли Хуҷандӣ бо иштироки раиси ноҳияи Зафаробод Раҷаб Ашурзода ва намояндаи мақомоти иҷроияи ҳокимияти давлатии вилояти Суғд Мирмухаммедов Олимҷон бо донишҷӯёни ноҳия, ки дар муассисаҳои олӣ ва миёнаи касбии вилояти Суғд таҳсил менамоянд, вохӯрӣ баргузор гардид. Вохӯриро намояндаи мақомоти иҷроияи ҳокимияти давлатии вилояти Суғд Мирмухаммедов Олимҷон ҳусни оғоз бахшида, суханро ба Раиси ноҳия Ашурзода Раҷаб Рӯзӣ дод. Сипас Раиси ноҳия Ашурзода Раҷаб Рӯзӣ баромад намуда, оид ба ободониҳои ноҳия, ки дар давоми соли ҷорӣ шуда гузашт ва нақшаҳое, ки дар оянда амалӣ мешаванд ба шунавандагон маълумот доданд. Донишҷӯён ба сухан баромада, ба Раиси ноҳия саволҳо пешниҳод намуданд ва ба саволҳои додашуда ҷавобҳои муфассал гирифтанд. Дар охир ба донишҷӯёни камбизоату нимятим 33 нафар ба маблағи 100 сомонӣ ва аълхонҳо 57 нафар ба малағи 50 сомонӣ идрорпулии яквақтинаи Раиси ноҳия  дода шуд. Дар вохӯрӣ зиёда аз 700 нафар донишҷӯён иштирок намуданд. Пас аз вохӯрӣ дар тарабхонаи «Чоршанбе»-и шаҳри Хуҷанд  зиёда ба 700 нафар донишҷӯён дасторхони идона бахшида ба соли нави мелодӣ ороста шуд.

Дар рафти чорабинӣ аз тарафи бахши фарҳанги ноҳия барномаҳои фарҳангӣ намоиш дода шуд.