Хабарҳо

Паём-роҳнамои мо

05 Февраль 2021

Cанаҳои 4 ва 5-уми феврали соли 2021 бо иштироки аъзои узви Маҷлиси миллии Маҷлиси Олии Ҷумҳурии Тоҷикистон муҳтарама Муминова Фирӯза Исроиловна ва ҳайати гурӯҳи тарғиботию ташвиқотии мақомоти иҷроияи ҳокимияти давлатии вилояти Суғд дар ҳайати устоди Донишгоҳи давлатии шаҳри Хуҷанд ба номи академик Бобоҷон Ғафуров Исомаддинов Ҷурабек, устоди Донишгоҳи давлатии ҳуқуқ, бизнес ва сиёсати Тоҷикистон Алимов Ботур ва устоди Донишгоҳи давлатии шаҳри Хуҷанд ба номи академик Бобоҷон Ғафуров Алашукуров Беҳзод ва раиси ноҳияи Зафаробод Ашурзода Раҷаб Рӯзӣ бо сокинони Ҷамоатҳои шаҳраку деҳоти ноҳия вохӯрӣ баргузор гардид.

Дар вохӯриҳо узви Маҷлиси миллии Маҷлиси Олии Ҷумҳурии Тоҷикистон муҳтарама Муминова Фирӯза баромад намуда, оид ба самтҳои асосии Паёми навбатии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон ба Маҷлиси Олии Ҷумҳурии Тоҷистон, ки санаи 26 январи соли 2021 ироа гардида буд, ибрози андеша намуд.

Маврид ба зикр аст, ки дар мулоқотҳои баргузоргардида сокинон нуқтаҳои Паёми Пешвои миллатро бо дарки баланди масъулиятшиносӣ қабул намуда, фикру андешаҳои баромадкунандагонро бо таваҷҷуҳ гуш намуданд. Таъкид карда шуд, ки дар натиҷаи сиёсати хирандмандонаю сулҳпарваронаи Пешвои муаззами миллат Истиқлолияти давлатӣ пойдор гардида, хоҷагии халқи кишвар рушд намуд. Ҳамзамон қайд гардид, ки дар ин давра бо роҳбарии Сарвари давлат се ҳадафи стратегии мамлакат татбиқ гардида, ҳадафи чорум яъне саноатикунонии босуръати мамлакат роҳандозӣ шуда истодааст.

Имрӯз дар саросари мамлакат корҳои ободонию созандагӣ вусъат гирифта, мардум бо мақсади истиқболи ҷашни фархундаи 30-солагии Истиқлоли давлатии Ҷумҳурии Тоҷикистон тамоми имкониятҳоро роҳандози намуда истодаанд.

Ҳамзамон оид ба зиёд намудани нафақаҳои маъюбӣ, идрокпулиҳо ва аз андози ягона озод намудани хоҷагиҳои деҳқонӣ иқдомҳои иҷтимоиву инсонпарварона ва хайрандешонаи навбатии Пешвои муаззами миллат буда, дар таъмини амнияти озуқавории кишвар ва баланд намудани сатҳи зиндагии мардум саҳми босазо хоҳанд гузошт.

Дар фарҷоми мулоқотҳо ба саволҳои иштирокдорон аз ҷониби ҳайати гуруҳи тарғиботӣ посухҳои мушаххас дода шуд. Корҳои тарғиботию ташвиқотӣ дар Ҷамоатҳои шаҳраку деҳоти ноҳия оид ба муҳтавои Паёми Пешвои миллат идома дорад.

Мулоқоти судманд пиромуни филми ҳуҷҷатии "Бешарафӣ"

22 Январь 2021

Дар толори мақомоти иҷроияи ҳокимияти давлатии ноҳияи Зафаробод таҳти раёсати раиси ноҳия Ашурзода Раҷаб Рӯзӣ ва роҳбарони мақомоти ҳифзи ҳуқуқи ноҳия мулоқоти судманд пиромуни филми ҳуҷҷатии "Бешарафӣ" баргузор гардид, ки дар мулоқоти мазкур муовинони раиси ноҳия, мудирони шуъба ва бахшҳои МИҲД-и ноҳия, раисони ҷамоатҳои шаҳраку деҳот, сарварони муассисаҳои таълимӣ, тандурустӣ, фарҳангӣ, имомхатибон ва аминони маҳаллаҳо иштирок намуданд.

Раиси ноҳия Ашурзода Раҷаб Рӯзӣ оид ба кирдору рафторҳои разилонаю ғайриинсононаи хоинони миллат суханронӣ намуда, таъкид намуд, ки имрӯз аз ҳар як сокини кишвар талаб карда мешавад, ки зиракию ҳушёрии сиёсиро аз даст надода ҳамеша омодаи ҳифзи марзу буми ватани худ бошанд.

Ҳамзамон сардори ШВКД-и Ҷумҳурии Тоҷикистон дар ноҳия Саломзода Барака Салом баромад намуда, таъкид намуд, ки соли ҷорӣ мо якзумра чорабиниҳои муҳими сиёсӣ аз ҷумла 30-солагии Истиқлоли давлатиро таҷлил менамоем, бояд кушиш ба харҷ дод, ки ин ҷашнвораҳои бузургро бо дастоварҳои арзанда ва бе ягон камбудию нуқсон истиқбол намоем.

Собиқадори меҳнат Рустамов Заҳриддин баромад намуда, қайд кард, ки имрӯз пеш аз ҳама мо бояд шукрона кунем, ки чунин Ватани азизу маҳбуб дорем ва сулҳу суботи кишварро мисли гавҳараки чашм ҳифз намоем.

Дар охир ба раисони ҷамоатҳо ва сохторҳои идеологии ноҳия супориш дода шуд, ки дар деҳаю маҳалҳои аҳолинишин тамошои филми мазкурро ташкил намуда, суҳбату мулоқотҳо баргузор намоянд.

Табрикоти раиси ноҳияи Зафаробод Ашурзода Раҷаб Рӯзӣ бахшида ба Рӯзи Президенти Ҷумҳурии Тоҷикистон

16 Ноябрь 2020

Ҳамдиёрони азиз!

Қобили тазаккур аст, ки сиёсати миллии ҳар як кишвари соҳибистиқлол хусусияти хоси худро дошта, мазмуни асосии он дар чорабиниҳои гуногуни фарҳангию сиёсӣ ва рамзу анъанаҳои миллӣ таҷассум меёбад. Ҳамаи ин заминаи муҳим барои дарки худшиносӣ ва комёб гардидан ба пешрафту дастовардҳои кишвар мебошад. Аз ин рў, «Рўзи Президент», ки санаи 16 ноябр дар қаламрави Тоҷикистони азиз ҷашн гирифта мешавад, иқдоми некест, ки барои арҷгузорӣ ва ифтихор доштан аз Тоҷикистони азиз, Истиқлолияти пойдор ва қадршиносӣ аз заҳматҳои Президенти кишвар ҳамчун Асосгузори сулҳу ваҳдати миллӣ – Пешвои миллат мебошад.

Аз саҳифаҳои таърих дар ёд дорем, ки 16 ноябри соли 1994 дар иҷлосияи Шӯрои Олии Ҷумҳурии Тоҷикистон маросими савгандёдкунӣ ва ба вазифа шурӯъ кардани Президенти Ҷумҳурии Тоҷикистон баргузор гардида буд. Мақсад аз рузи ид муайян кардани рузи 16 ноябр дар он ифода меёбад, ки ибтидо аз ҳамин рӯзи тақдирсозу муайянкунандаи рушди минбаъдаи бомароми Тоҷикистон марҳилаи нави муҳими давлатӣ, яъне тибқи Конститутсияи давлати соҳибихтиёр дар Ҷумҳурии Тоҷикистон идоракунии президентӣ оғоз ёфта, Президенти тозаинтихобгардида ба иҷрои вазифа шурӯъ намудааст.

Бо манзури эҳтирому эътирофи фазилати сиёсатмадориву давлатдории навини кишвар, таъмини сулҳу ваҳдату ягонагии мардуми сарзамин ва болоравии обруву нуфузу мақоми Тоҷикистони соҳибистиқлоли мо дар арсаи байналмилалӣ, ки ин паёмадҳо дар маҷмӯъ, ба салоҳиятнокиву фаъолияти босамари Президенти Ҷумҳурии Тоҷикистон вобастагӣ дорад, дар қонунгузории кишварамон рузи 16 ноябр рузи Президент пазируфта шудааст.

Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муьтарам Эмомалӣ Рахмон марди олиму оқилу фозилу хирадмандест, ки давлатро аз фаноёбӣ наҷот дода, мардумро мутаҳҳид намуда, шӯълаи умедро бедор кард ва бо қадамҳои қатъӣ ба сулҳу осоиш, рушду суботи минбаъдаи кишвар ҳидоят намуд.

Ҳамчунин Президенти Точикистон пайваста дар бораи инкишофи соҳаи мактабу маориф, илму маърифат, фароҳам овардани шароитҳои мувофиқ барои таҳсилу касбомӯзӣ ва ҳаёти ҷавонон ғамхориҳо зоҳир менамоянд, ки маҳз тавассути ғамхориҳои доимиву пайгиронаи муҳтарам Эмомалӣ Раҳмон дар солҳои соьибистиылолии кишвар ба ин мақсад шумораи зиёди муассисаҳои оливу миёна, китобхонаву осорхонаҳо, марказҳои варзишиву дилхушӣ сохта шуда, ба ихтиёри ҷавонон пешкаш шудааст.

Дар арсаи байналмилалӣ ҳамчун шахси сулҳофару сулҳпарвар, сарҷамъкунандаи миллату давлат, амалисозандаи заҳматҳои ояндабинона баҳри рушду нумӯъ ва ободии Ватан, ташаббускори ҳалли масъалаҳои глобалӣ шинохта шудани Пешвои миллат, Президенти Жумьурии Тоҷикистонро на танҳо сокинони кишвар, инчунин тамоми мардуми сайёра медонанд ва эътироф намудаанд, ки ин ифтихори мо тожикистониён мебошад.

Аз фурсати муносиб истифода бурда, бо Рӯзи Президенти Ҷумҳурии Тоҷикистон ьамаи Шумо дар дар симои Шумо кулли мардуми ноҳияро самимона муборакбод гуфта, ба хонадони ҳар яки Шумо фазои осоишу меҳру муҳаббат, файзу баракат ва ба диёри биҳиштосои Тоҷикистон гулгулшукуфоии ҷовидонаро таманно менамоям.

Бахшида ба Рӯзи Президенти Ҷумҳурии Тоҷикистон

16 Ноябрь 2020

Тибқи нақшаи чорабиниҳои КИ ҲХДТ дар ноҳияи Зафаробод дар ҳамкорӣ бо бахши кор бо ҷавонон ва варзиши ноҳия бо иштироки аъзоёни ТҶҶ "Созандагони Ватан", устодону шогирдон дар муассисаи таълимии миёнаи умумии рақами 13 ба номи устод Садриддин Айнӣ бахшида ба Рӯзи Президенти Ҷумҳурии Тоҷикистон чорабинии фарҳангӣ гузаронида шуд. Дар чорабинӣ сараввал намоиши осори Пешвои миллат ва асарҳо доир ба фаъолияти шоистаи Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон, Раиси муаззами ҲХДТ ба намоиш гузошта шуд. Сипас маҳфил бо қироати шеъру таронаҳо дар васфи Пешвои миллат, мӯҳтарам Эмомалӣ Раҳмон заҳматҳои шоиставу арзанда, фидокориҳо дар роҳи бунёди Тоҷикистони навин аз ҷониби сарвари маҳбуби халқ ба самъи ҳозирин расонида шуд.

Заррина Зулфиқорзода мудири шӯъбаи кор бо занони КИ ҲХДТ дар ноҳияи Зафаробод табрикоти ҳизбиёни ноҳияро ба самъи иштирокчиён расонид. Чорабиниҳои ҷашнӣ бахшида ба Рӯзи Президенти Ҷумҳурии Тоҷикистон дар ташкилотҳои ибтидоии ноҳияи Зафаробод идома дорад.