mt3.org

Хабарҳо

 

 

Дар давраи оғози соли нави хониш омӯзгори собиқадор Бердиев Раҳимбердӣ аз муассисаи таҳсилоти умумии рақами 16-деҳаи Ҳаёти нави ноҳияи Зафаробод аз ҷониби кормандони КИ ҲХДТ дар вилояти Суғд ва ҳизбиёни ноҳияи Зафаробод аёдат карда шуданд.

Маврид ба ёдоварист, ки Бердиев Раҳимбердӣ собиқаи кории 55- сола дошта, тайи ин солҳо ба тарбияи пурмаҳсули насли наврас машғул гардидааст. Баъди нафақа низ ба парвариши замбури асал шуғл варзида, дар таъмини рузгор саҳм мегузорад. Устод аз касби интихобкарда ва собиқаи кории худ сарфароз ва ифтихорманд мебошад.

Маркази иттилоотии КИ ҲХДТ дар ноҳияи Зафаробод

 

 

 

Деҳаи Бахти ҷамоати деҳоти Равшан яке аз минтақаҳои дурдасти ноҳияи Зафаробод маҳсуб ёфта, сокинонаш бо тафаккури созандаю иқдомоти бунёдкорона аз пайи зиндагӣ ва ободу зебо кардани деҳа мебошанд. Бо мақсади шиносоӣ ва бурдани корҳои тарғиботӣ тибқи нақшаи чорабиниҳои КИ ҲХДТ дар вилояти Суғд ва ноҳияи Зафаробод бо сокинони деҳаи Бахт мулоқот ташкил карда шуд. Мутриба Бобоҷонова-мудири шуъбаи рушди иҷтимоӣ ва робита бо ҷомеаи КИ ҲХДТ дар вилояти Суғд, Туйғун Шарифзода-раиси КИ ҲХДТ дар ноҳия, Назирҷон Муллоев-сармутахассиси шуъбаи рушди иҷтимоӣ ва робита бо ҷомеаи дастгоҳи раиси ноҳияи Зафаробод дар мулоқот иштирок намуда, доир ба масъалаҳои мубрами рӯз-таҷлили сазовори ҷашнҳои фархундаи миллӣ, омодагӣ ва маъракаи муҳими сиёсии Интихоботи Президенти Ҷумҳурии Тоҷикистон, вусъат бахшидани корҳои ободонӣ ба истиқболи 30-солагии Истиқлолияти давлатии Ҷумҳурии Тоқикистон, пурзӯр намудани корҳои тарғиботӣ дар самти пешгирӣ аз паҳншавии бемории коронавируси нав сӯҳбати рӯ ба рӯ ташкил намуданд.

Мутриба Бобоҷонова-намояндаи КИ ҲХДТ дар вилояти Суғд аз ҷумла дар суханронии худ дастовардҳои назарраси заҳматкашони ноҳияро дар рушди соҳаҳо ёдрас намуда, таъкид дошт то ба мақсади расидан ба ҳадафҳои олию шоиста ва татбиқи барномаи ҲХДТ масъул, саҳмгузор ва дар заҳмати самаровар бошем.

Сокинони деҳа андешаҳои худро доир ба ин мулоқоти судманд баён намуда, иброз доштанд, ки ободу зебо ва сарзабзу хуррам намудани Тоҷикистони азиз вазифа ва масъулияи ҳар сокинои кишвар маҳсуб меёбад.

Дар фарҷоми мулоқот аз ҷониби вакили Маҷлиси вакилони халқи ноҳия Абдураҳмон Қодиров ба муассисаи таълимии деҳа ҳароратсанҷи тиббӣ тақдим карда шуд.

Маркази иттилоотии КИ ҲХДТ дар ноҳияи Зафаробод

 

 

 

Бо мақсади таъмини сокинон бо маводи озуқаворӣ, омодагиҳо ба мавсими зимистон, ҳамчунин татбиқи дастури Пешвои миллат, Раиси муаззами ҲХДТ дар самти истифодаи самараноки ҳар як порчаи замин сокинони ноҳияи Зафаробод заминҳои наздиҳавлигиро мақсаднок истифода мебаранд. Сокини деҳаи Бахт, аъзои ҲХДТ Ҷобиров Аҳадқул иқдоми арзанда нишон дода, замини наздиҳавлигиашро ба таври ибратбахш кишту кор намудааст. Маҳсулоти кишткардаи ӯ ниёзи рузгорро таъмин намуда, ба бозор низ ирсол мегардад. Ҳамчунин аз маҳсулоти наздиҳавлигӣ барои зимистонгузаронӣ низ захира мешавад.

Дар тарғиби фарҳанги заминдорӣ саҳми раиси маҳалла, узви фаъоли ҲХДТ Амонов Отабек ва дигар фаъолони деҳа назаррас мебошад.

Мудири шуъбаи рушди иҷтимоӣ ва робита бо ҷомеаи КИ ҲХДТ дар вилояти Суғд Мутриба Бобоҷонова ва Раиси КИ ҲХДТ дар ноҳия Туйғун Шарифзода ва сармутахассиси шуъбаи рушди иҷтимоӣ ва робита бо ҷомеаи дастгоҳи раиси ноҳия Назирҷон Муллоев аз маҳорати заминистифодабарии оилаи Ҷобировҳо шинос гардида, ин амалро намунаи ибрат арзёбӣ намуданд.

Маркази иттилоотии КИ ҲХДТ дар ноҳияи Зафаробод

 

 

Гуруҳҳои тарғиботии ноҳия аз ҳисоби кормандони шуъбаи рушди иҷтимоӣ ва робита бо ҷомеа, бахшҳои кор бо занон ва оила, ҷавонон ва варзиш, маркази ташаккули тарзи ҳаети солим бо максади баланд бардоштани маърифати солимии аҳолӣ ва додани тавсияҳо оид ба пешгирии бемориҳои сироятӣ дар байни аҳолӣ корҳои тарғиботиро гузаронида, варақаҳои иттилоотӣ тақсим намуданд.

 

РАИСИ НОҲИЯ

АШУРЗОДА РАҶАБ РЎЗӢ

Сомонаҳои расмӣ

Президенти Ҷумҳурии Тоҷикистон

МИҲД вилояти Суғд