18 Июнь 2018
Турдиев Икромҷон Абдураҳмонович аз соли 2009 мунтазам ба шаҳри Москваи Федератсияи Россия ба муҳоҷирати меҳнатӣ рафта, тахминан моҳи августи соли 2015 дар шаҳраки Серпухов, шаҳри Юхнов бо аъзои фаъоли ташкилоти террористӣ экстремистии Давлати исломӣ, яъне бародараш Турдиев Илҳомҷон Абдураҳмонович ва шаҳрванди Ҷумҳурии Ўзбекистон Баҳодур ном шахс робита пайдо намуда, оид ба мақсаду мароми иттиҳоди ҷиноятии Давлати исломӣ, ки бо роҳи ҷиҳод, яъне зўроварӣ ва содир намудани ҷиноятҳои вазнин ва махсусан вазнин, таҷйир додани сохти конститутсионии тамоми давлатҳо аз ҷумла Ҷумҳурии Тоҷикистон ва дар ин замина барпо намудани давлати исломии умумиҷаҳонии «Хилофати бузург»-ро дорад маълумот гирифта, ақидаҳои ифротгароёнаи худро давом дода, омодагии худро барои иштирок дар ҳайати ин иттиҳоди ҷиноятӣ ва задухўрдҳои мусалаҳона дар қаламрави Ҷумҳурии арабии Сурия арзёби мекунад. Сипас Турдиев Икромҷон Абдураҳмонович бо даъвати Баҳодур ном шахс, ба ҳайати аъзои гуруҳи ифротгарои террористӣ-экстремистии ДИИШ (Давлати исломии Ироқу Шом), ки бо ҳалномаи суди Олии ҳумҳурии Тоҳикистон аз 14 апрели соли 2015 ташкилоти Давлати исломӣ (Давлатии исломии Ироқу Шом) ташкилотҳои экстремистӣ (ифротгароӣ)-террористӣ эътироф шуда, фаъолияти онҳо дар Ҷумҳурии Тоҷикистон манъ карда шудааст, ҳамроҳ гардида ва ақидаи ифротгароёнаи худро мустаҳкам намуда, дар назди аъзоёни иттиҳоди ҷиноятӣ қасам «байат» намудааст, ки ба роҳбар ва пешвои ташкилоти террористӣ Абубакри Баҷдоди хизмат карда дар ҳамаи муҳорибаҳо бар зидди кофирон ҷонашро дареҷ намедорад. Дар ин замина барои пешбурдани фаъолияти ДИИШ саъю кўшиш хоҳад кард.
Ба қарибӣ суди ноҳия аъмоли ношоями шаҳрванд Турдиев Икромҷон Абдураҳмоновичро дар содир кардани ҷиноят бо моддаи 307/3 қисми 2 Кодекси ҷиноятии Ҷумҳурии Тоҷикистон гунаҳгор дониста. ба ў бо ин қисми модда ҷазо дар намуди маҳрум сохтан аз озодӣ ба муҳлати панҷ сол, бо адои ҷазо дар колонияҳои ислоҳии дорои низоми пурзўр таъин кард.
М.ДЎСТЗОДА, судяи Суди ноҳияи Зафаробод
