Даъват ба ҳушдориву огаҳӣ

02 Август 2018

Муддатҳои тӯлонист, ки дар бораи шомилгардии ҷавонон ба гурӯҳҳои ифротӣ сухан менамоем ва барои пешгирии ин падидаи номатлуб шахсони масъулинро вазифадор месозем. Ҳимоятгари нахустини шахс ин худи ӯ мебошад. Ҷавонон худ, ки имрӯз роҳҳои хуби истифодаи шабакаҳои интернетиву алоқаҳои мобилиро  медонанд танҳо огоҳиро аз даст надиҳанд. Ибтидо, ҳеҷ гоҳ ба ваъдаву суханҳои шахсони бегона бовар накунанд. Худ мустақил шаванд жарфтар андеша намоянд. Ояндаи дурахшони худро худ созанд. Баъдан, ҳеч гоҳ бо шахсони ношинос тариқи шабакаҳои интернетӣ дар бораи ақидаҳои динӣ суҳбат накунанд (мутаассифона ҳоло зиёд гаштаанд), зеро аз тарафи экстромистон ҷалб карда мешаванд, худ надониста.

Огоҳии дигар ба ҷавонон ин аст, ки ҳеҷ гоҳ бе иҷозтаи падару модар ба хориҷи кишвар сафар накунанд ва дар давлатҳои хориҷӣ аз муллоҳои салафӣ ва ҷавонони кафказӣ эҳтиёт шаванд. Зеро «салом»-и дӯстон беминнат аст. То имкон ҳаст дар хориҷи кишвар як ҷоя бо хешу табор ё ҳамдеҳагони худ кор карда, фирефтаи ваъдаи маблағҳои калони ношиносон нагардад.

Воқеан, душвор аст ба як кишвари бегона барои пайдо кардани маблағ рафтану меҳнати сангини тоқатфарсоро аз сар гузаронидан. Маблағи ҳалол бе меҳнат муяссар намегардад. Баъзе афрод наметавонад ба он меҳнат тоқат намояд, аз ин рӯ роҳи осон ба даст овардани маблағро ҷӯё мешаванд. Аз шахсони пулдор қарз мепурсанд, ки ин худ бе ресмон худро ба каси дигар бастан аст. Ё аз ҳисоби шахсони дигар муаммои худро ҳал мекунанд, ки ин низ паёмади хуб надорад. Шахсони мазкур бо кӯмаки ғаразонаи худ ҷавонони раҳгумзадаро ба худ тобеъ сохта, ба ҳар роҳ, ки хоҳанд ба ҳамон самт равона мекунанд.

Ҷавонон! Шуморо зарур аст, ки  ин ба қадри ин ҳаёт бирасед, шукронаи ин Ватан намоед. Камбуди онро нодида гирифта, баҳри таъмин ва ваҳдати абадии он ҳиссагузор бошед. Ин умри азизи ҷавони худро дар пайи саодатмандии худ ва дигарон сарфа созед.

Ирода Игамова

САЛАФИЯ РАВИЯИ ИФРОТИСТ

02 Август 2018

Салафия чун ТТЭ ҲНИ равияи ифротӣ ҳисоб  меёбад. Калимаи  салафия аз термини арабии «салафа»  гирифта шуда, маънояш ибтидо, аввалин мебошад. Ин равия ҳамчун ҷараёни ифротӣ-динӣ дар асри понздаҳум пайдо шудааст.Ибн Абдулваҳҳоб аз тарғибгарони  салафия мебошад. Ин афрод асосгузори равияи «ваҳҳобия» низ мебошад. Марказ ва макони салафия дар Арабистони Саудӣ ҷойгир мебошад.

Фаъолияти «салафия» дар Ҷумҳурии Тоҷикистон  ҳамчун  ҷараёни ифротгаро  мамнуъ эълон карда шудааст.Салафияҳо  ба се гурӯҳ ҷудо шудаанд. Салафияҳои «ҷиҳодӣ», «малхалӣ» ва «сарварӣ». Ҳамаи ин гуруҳҳо пайравон ва сарварони худро доранд. Дар Тоҷикистон салафияҳо ба кадоме аз ин гурӯҳҳо мансубанд, то ҳанӯз маълум нест.

Имрӯз се омили асосӣ боиси мавҷудияти салафия дар Тоҷикистон мебошад.Онҳое, ки дар кишвари Покистон таҳсили илм кардаанд, имрӯз ин ҷараёнро дар кишвари мо тарғиб менамоянд.

Муҳоҷирати меҳнатӣ омили дигари  фаъолият намудани салафия дар Тоҷикистон мебошад. Бисёр ҷавонони гумроҳ дар Федератсияи Руссия бо пайвастшавӣ ба шабакаҳои интернетӣ ба доми пайравону тарғибкунандагони ин ҷараён меафтанд.

Дастгирии бевоситаи  салафия бо маблағҳои  шайхони сарватманди хонаводаи Оли Саъуд омили сеюми мавҷудияти салафия мебошад.

Дини мубини ислом беҳтарин посухҳои  ҳуқуқиро дар ради аҳли  такфир  ва созмонҳои  террористӣ додааст ва ниёз ба маълумоти идовагӣ нест.Салафия бошад дар саросари ҷаҳон  чун меҳмони нохонда арзи вуҷуд дорад. Онҳо баробари амалиёти  террористӣ хатари ҷиддӣ ба расму оин, фарҳанги  мардуми таҳҷоӣ, амният ва суботи давлатдорӣ эҷод карда истодаанд.Салафияи тоҷик, ки дар таълимгоҳҳои гуногуни  террористӣ сабақ омӯхтаанд, бисёр ҷоҳил ва разил мебошанд.

Салафияҳо шахсоне, ки ақидаҳои ваҳҳобия-салафияро қабул надошта бошанд, онро кофир ва мулҳид мешуморанд.

Имрӯз мардуми шарифи Тоҷикистонро зарур аст, ки ба хотири сулҳу суббот ва амният дар кишвар ҳушёрию зиракиро аз даст надода, аз нақшаҳои душманони миллат ба мисли Муҳиддин Кабирии хоини Ватан  огоҳу бохабар бошем.Набояд шаҳрвандон, махсусан ҷавонон ба террористони ифротгаро ва фатвоҳои  зиддиисломии аҳли такфир пайравӣ намоянд, идеяҳои мусибатдор ва хушунатрези исломисӯзи салафияро дар кишвар таблиғу ташвиқ намоянд.

Б.Бердиев,  аъзои гурӯҳи «Созанда»

Шӯрои ноҳиявии Ҳаракати ҷамъиятии ваҳдати миллӣ ва эҳёи Тоҷикистон дар ноҳияи Зафаробод

02 Август 2018

Воқеаҳои мудҳиши рӯзи 29 июли соли равон дар Ҷамоати Себистони ноҳияи Данғара ба амал омада оромии тамоми мардуми ноҳия, хосатан иштирокчиёни Ҳаракати ҷамъиятии ваҳдати миллӣ ва эҳёи Тоҷикистонро халалдор намуда, ба ваҷҳ овард, ки чунин нохалафон, хоинон дар хоки Ватани худ умр ба сар бурда, аз обу нон ва марзу ҳавои он баҳравар гашта, дастовардҳои Давлату миллати хешро нодиданӣ мегиранду ба халқу миллати худ хиёнат мекунанд ва обрую мақоми давлати Тоҷикистони азизро дар арсаи байналмилалӣ паст заданӣ мешаванд. Бояд гуфт, ки ин нохалафон, хоинони миллати хеш хато мекунанд. Ин сулҳу салоҳ ва ваҳдати миллӣ, ки мардуми сулхоҳи тоҷик бо сарварии абармарди тоҷик, Асосгузори сулҳу ваҳдати миллӣ, Пешвои миллат, Ҷаноби Олӣ, Президенти Ҷумҳурии Тоҷикистон муҳтарам Эмомалӣ Раҳмон  ба даст овардааст ҳеҷ гоҳ ва хеҷ қуввае халалдор гардонида наметавонад.

Бо мақсади ба мардум фаҳмонда додани ҳаққонияти воқеаҳои рухдода Шӯрои ноҳиявии Ҳаракати ваҳдати миллӣ ва эҳёи Тоҷикистон якҷоя бо мақомоти иҷроияи маҳалии ҳокимияти давлатии ноҳия  аз ҳисоби кормандони мақомоти иҷроияи маҳаллии ҳокимияти давлатӣ ва фаъолони Шӯрои ноҳиявии Ҳаракат гурӯҳҳои тарғиботӣ таъсис дода, дар ҳамаи Ҷамоатҳои шаҳраку деҳот, мавзеъҳои аҳолинишин ва ташкилоту муассисаҳо сӯҳбату вохӯриҳо доир намуданд.

Санаи 31 июли соли равон дар толори мақомоти иҷроияи ҳокимияти давлатии ноҳия бо фаъолон, роҳбарони корхонаву ташкилотҳо, раисони кумитаҳои маҳллаҳо, имомхтибони масҷидҳо ва ҷавонони фаъоли ноҳия вохӯрӣ ташкил карда шуд. Вохӯриро муовини раси ноҳия Абдуллозода З.И. оғоз бахшид, муовини озоди раиси Шӯрои ноҳиявии Ҳаракати  ҷамиятии ваҳдати миллӣ ва эҳёи Тоҷикистон дар ноҳия Исмоилов А.И., сархатиби ноҳия Насриддинов Н., муовини раиси Ҷамоати шаҳраки ба номи Ҳ. Алиев Боймуродов Х.Н. ва имоми масҷиди панҷвақтаи Ҷамоати шаҳраки Меҳнатобод  Эшонхонов Б. суханронӣ намуданд.

Шӯрои ноҳиявии Ҳаракати ҷамъиятии ваҳдати миллӣ ва эҳёи Тоҷикистон дар ноҳия минбаъд низ фаолияташро барои пешгирии проблемаҳои рӯз аз ҷумлаи терроризму экстримизм, дигар падидаҳои номатлуб, пайвастшавии шаҳрвандон махсусан ҷавонон ба ҳар гуна гурӯҳҳои тундрав пурзӯр менамояд.

Исмоилов Аминҷон - муовини озоди раиси Шӯрои ноҳиявии Ҳаракати  ҷамиятии ваҳдати миллӣ ва эҳёи Тоҷикистон дар ноҳия