05 Ноябрь 2018

Бахшида ба Рӯзи Конститутсияи Ҷумҳурии Тоҷикистон  тибқи нақшаи чорабиниҳои мақомоти иҷроияи ҳокимияти давлатии ноҳияи Зафаробод  чорабиниҳои тарғиботӣ ва  як қатор мулоқоту сӯҳбатҳо бо сокинони ноҳия то арафаи чашн гузаронида шуд.

Санаи 5 ноябри соли равон дар толори мақомоти иҷроияи ҳокимияти давлатии ноҳия  бо иштироки муовинони Раиси ноҳия, роҳбарони ташкилоту муассисаҳо, сохторҳои қудратӣ, раисони ҷамоатҳои шаҳраку деҳот ва афсарону сарбозони дидбонгоҳҳои сарҳадӣ чамъомади тантанавии идонаи бахшида ба Рӯзи Конститутсияи Ҷумҳурии Тоҷикистон баргузор гардид.

Раиси ноҳия Раҷаб Ашурзода баромад намуда, чорабинии идонаро ҳусни оғоз бахшида, намояндаи мақомоти иҷроияи ҳокимияти давлатии вилояти Суғд, Икром Абдураҳмониро ба ҳозирин муаррифи намуд. Сухан ба намояндаи мақомоти иҷроияи ҳокимияти давлатии вилояти Суғд, Икром Абдураҳмонӣ барои қироат намудани табрикоти Раиси вилояти Суғд, муҳтарам Раҷаббой Аҳмадзода бахшида ба Рӯзи Конститутсияи Ҷумҳурии Тоҷикистон дода шуд. Сипас намояндаи мақомоти иҷроияи ҳокимияти давлатии вилояти Суғд, Икром Абдураҳмонӣ табрикоти Раиси вилояти Суғд, муҳтарам Раҷаббой Аҳмадзодаро бахшида ба Рӯзи Конститутсияи Ҷумҳурии Тоҷикистон ба саҳми ҳозирин расонид.

 Инчунин ёрдамчии Прокурори ноҳия Туйхонов Саидҷон баромад намуда, оид ба мӯҳтавои Конститутсия, ки бахтномаи миллат мебошад, маълумот муфассал дод. Омӯзгори коллеҷи омӯзгории ноҳия Игамова Ирода оид ба тағйиру иловаҳо, ки тариқи райпурсии умумихалқи ба Конститутсияи Ҷумҳурии Тоҷикистон ворид гардидааст маърӯза намуд. 

Дар охир Раиси ноҳия Раҷаб Ашурзода ҳозирин ва кулли сокинони ноҳияро бо ин рӯзи муқаддас табрик намуда чорабиниро ҷамъбаст намуд.

Бояд зикр намуд, ки чорабинии мазкур дар як рӯҳияи баланди идона баргузор гардид.