06 Октябрь 2018

 Дар толори мақомоти иҷроияи ҳокимияти давлатии ноҳия  Рузи забони давлатӣ ва иди касбии омӯзгорон бо тантана таҷлил  карда шуд.

Раиси ноҳияи Зафаробод  Ашурзода Раҷаб Рӯзӣ  баромад намуда  ҳозирин ва кулли шаҳрвандону омӯзгорони ноҳияро бо  идҳои фархунда табрик намуда, қайд карданд, ки ҳамасола санаи 5 октябр дар саросари кишвари азизамон - Тоҷикистони соҳибистиқлол Рузи забони давлатӣ таҷлил мегардад. Ҳар фарди ҷомеа вазифадор аст  забони тоҷикиро поку беолоиш нигоҳ дорад. Инчунин таъкид гардид, ки пешаи омӯзгорӣ муқаддастарин касби рӯйи олам маҳсуб ёфта, бедории фикр, покизагии ахлоқ ва ташаккули ақлонии инсон маьсули ранҷу машаққати омӯзгорон мебошад.

Гузаштагони бузурги мо фармудаанд, ки равшанкунандаи хиради башар ва афрӯзандаи машъали илму донишу тавоноӣ омӯзгор, муаллим ва устод аст.

 Сипас собиқадори соҳаи маориф Солиев Абдураҳмон баромад намуда қайд намуд, ки имрӯз Ҳукумати кишвар  соҳаи маорифро калиди асосии пешравии ҷомеа ҳисобида пайваста зери таваҷҷуҳи хеш  қарор додаст.   

 

 Дар охир фаъолону собиқадорони соҳа бо Ифтихорномаву туҳфаҳои хотиравии мақомоти иҷроияи ҳокимияти давлатии ноҳия сарфароз гардиданд.   

 Инчунин  дар рӯзи  мазкур собиқадорони барҷомонда  аёдат карда шуда, табрикоти Раиси вилояти Суғд муҳтарам Раҷаббой Аҳмадзода бахшида ба Рӯзи касбии омӯзгорон ба соми эшон расонида шуд.

 

                                                                     Дафтари матбуоти

Раиси ноҳияи Зафаробод